भोतय नं नेवा: भासं स्कूले ब्वंकीगु
नेपालभाषाया शिक्षा अभियन्ताया रुपय् बिस्कं हे म्हसीका दुम्ह दीपक तुलाधरय् कुतलय् न्ह्याःवना च्वंगु नेवाः बस्ती नेवाः स्कूल अभियान अन्तर्गत स्वनिगलं लिक्कसं लाःगु स्वनिगः पिनेया नेवाःबस्ती काभ्रे जिल्लाया भ्वंतया थीथी प्यंगु ब्वनेकुथी नेपालभाषां पठनपाठन शुरु जूगुयात कया थौं छगू ज्याझ्वः जूगु दु । भ्वंतया नांजाःगु चण्डेश्वरी द्यःया लिक्कसं छगु तःजिगु ज्याझ्वः जूगु दु ।
नेवाः सरोकार दबू, भ्वँतया ग्वसालय् व नेवाः बस्ती नेवाः स्कूल अभियानया सहकार्यय् जूगु ज्याझ्वःया सभापतित्व दबूया नायः रामराजा धौभडेलं यानादीगु खः ।
ज्याझ्वलय् थःगु ब्वनेकुथिइ नेपालभाषा ब्वंका वयाच्वनादीम्ह हिमालय सेकेण्डरी स्कूलया प्रधानाध्यापक ध्रुव प्रसाद भट्टराईं ब्वनेकुथिइ नेपालभाषा तय्गु प्रस्ताव वःगु इलय् थः तसकं लय् तायागु व स्थानीय समुदायया भाषायात ब्वनेकुथिं हःपाः व तिबः बीमाः धयादिल ।
थुकथं हे नेवाः बस्ती नेवाः स्कूल अभियानया कजि दिपक तुलाधरं देय् न्यंक व भारतया सिक्किमय् यानाः थौंतकया दुने १०५ गू ब्वनेकुथिइ नेपालभाषा ब्वंकेगु ज्या न्ह्यानाच्वंगु खँ कुलादिल । वय्कलं नेपालभाषा ब्वनेकुथिइ ब्वंकेगु निंतिं स्थानीय पहल जुइमाःगु खँय् नं बः बियादिल ।
ज्याझ्वलय् स्थानीय भाषासेवी मोहन दुवाल, संस्कृतिविद् ज्ञानकाजी मानन्धर, इलोहं प्रकाशनया नायः नरेशवीर शाक्य, विद्यार्थी निकेतन ख्वपया नायः ओमचरण अमात्य, काठमाडौं नेवाः किण्डरगार्टेनया प्रिन्सिपल राजेन्द्र महर्जनलिसें स्थानीय ब्वनेकुथिया शिक्षिका व बुद्धिजीविपिसं नुगःखँ तयादीगु खः।
थुकथं नेवा: बस्ती नेवा: अभियान ज्याझ्व: तालाना वनाच्वंगु लसताया खां ख:.।. नेवा:भासं स्कूले ब्वने खनेमा:गु मांग जक मखु थापिसन याना आने माँ: थुकिं हे सफलता चलाई।
No comments:
Post a Comment